90後生活日誌

天氣開始轉涼，唔知大家有冇D舊患都跟住痛？小妹係中學時期試過「篤魚蛋」整親隻手指，果時呀媽帶我去睇跌打師傅，佢幫我捽完藥酒就冇理。係呢幾十年，小妹隻手指周不時都扯住痛，當然未去到郁唔到。直至去到最近，隻手指痛到郁唔到，小妹先決定的起心肝去睇醫生。睇西醫小妹就ban左，因為只會開止痛藥同物理治療，小妹覺得治標唔治本。睇跌打師傅就因為冇註冊中醫牌，冇得claim錢，所以小妹都foul左。最後係上網是但搵左呢間中醫診所。(由於小妹果日係收工去，好多診所都收晒工冇得撰，是但入左一間睇，結果誤打誤撞搵到好野同大家分享) 呢間中醫診所，有一男一女註冊中醫師，男既負責睇跌打針灸，女既係負責診症婦科。小妹同男醫師大概說明一下情況後，佢就同我摸下D骨，發覺原來手指舊骨歪左。好細心同我講話可能以前係小小歪，冇理佢大左就愈來愈歪，天氣一凍血管收縮，D血行唔到就會痛。佢唔知點樣整左舊骨幾下，小妹就鬆左少少，之後佢就用針灸幫小妹固定返骨既位置，走既時候仲送左盒藥膏(冬青膏)叫小妹早午晚塗3次，最好係熱敷後先塗。最後小妹睇左12次左右就已經好返，岩岩呢2日凍左都冇凍，當然你係要聽醫師話定時定候塗藥膏同埋唔好做D粗重野啦。 至於診金方面，第一次睇呢間診所，係要收診金$150蚊，之後每次黎睇症都係唔洗收。另外整骨每次係$200蚊，如果一齊做埋針灸就加多$190蚊，小妹沒記錯原價做一次針灸係要$300蚊。小妹覺得錢都唔係問題，最緊要睇好。另外我見到醫師有做天灸其他項目，如有興趣，大家可以whatapps比佢地查詢下。(因為小妹未確認唔知好唔好，所以冇影低價目表比大家參考，抱歉～～) 附上一張小妹做針灸既相，如果大家有興趣想知邊間診所，就留言話比小妹知啦～

小妹手袋用左幾年有D爛，所以想買一個新手袋。有諗過買C/G字頭大牌子，大家都話可以保值，但小妹深知自己好粗用手袋，過多幾個月就會好殘，或者唔捨得整污糟佢一直擺係到。所以小妹都係放棄，搵返D一千蚊樓下既袋。睇左幾間評價後，發現在JW PEL 呢個牌子，佢既理念小妹覺得幾好，可持續性，而且物料係可循還再造。小妹都幾同意呢一點，於是就買左一個返黎同大家分享～ 一入到網站，由於係雙12 Promotion，只要輸入Email登記會員，佢就可以免費抽獎一次，大獎係可以免單。小妹當然即刻登記，都好彩有9折reference code。入到去買野小妹真係眼花繚亂，女人既選擇困難症又黎啦。本身小妹係想買2個袋，因為做緊買2送1優惠，買2樣野已經送你價值199蚊物品，包括手袋、銀包、卡片套等；買3個袋更全場任選一個袋。小妹因為係第一次幫襯，所以都係買住一個睇下質地點樣先，大家放心，就算買一樣野都會送你99蚊價值既物品。(PS. 撰左野送就會冇左9折優惠，因為只可以入一個reference code，小妹就覺得送價值99蚊既野抵D啦，大家可以自行考量） 上網有睇過都知道呢間野雖然係US品牌，但其實係MADE IN CHINA，小妹對呢樣野其實冇咩介意，因為深知GLOBLAISATION 呢個概念。所以收貨時會係由中國廣州直接寄出，由於買滿299蚊就可以免運，所以運費係全免，大概3日後就會收到。 拆出黎既時候真係心心眼，竟然係用雲石樣既紙盒，大家係唔係覺得好高級呢？ 打開後，仲有一個袋裝住，真係包裝得好好。 小妹係千挑萬選情況下，終於撰左呢個款⋯⋯果陣時覺得MODEL張相影得象白色好靚。佢係2用袋，可以手挽或者背帶款。小妹真心覺得沒色差，而且摸起來質感唔錯， 鱷魚紋好靚。這款原價係619蚊，而家雙12只係299蚊HKD。大家係唔係好心心眼呢？ 個包打開內在間隔，入面仲有一條拉鍊可以擺野。小妹係諗住平時出街用，裝手機、銀包同鎖匙包等，所以呢個size 剛剛好夠用。 至於附送99蚊價值既物品，小妹撰左一個原價229蚊既卡片包。本身小妹係想買呢款藍色既手袋，但驚顏色 carry 唔到，所以撰個卡片包黎做下sample 先。事實再一次證明呢間野冇色差。 299蚊HKD 已經有2樣野，而家雙12買野真係好便。另外我覺得如果唔係D大明星有錢每季都換袋，撰過性價比高既袋其實已經可以用好耐。而家坊間好多...

有睇過我前面咁多篇文章都知道小妹家中大大小小都係淘寶返黎，咁的確有D真係會中伏，為左大家唔中伏，小妹都堅持要用過先介紹比大家。 小妹由細到大既早餐都要有一杯牛奶/豆漿，由於自細被灌輸飲咖啡奶茶對皮膚唔好，所以傾向都係撰牛奶/豆漿。牛奶而家既價錢最便都要5-6蚊一包，所以小妹係一年前就開始轉飲豆漿，每次都係襯AEON特價星期三去搶購，飲飲下就發覺其實都幾貴，而且日日飲咁多外來野唔知對身體有冇影響。於是就決定買一部豆漿機返黎，係香港睇過200-300mL容量已經成300-400蚊港紙，仲要整多次先夠份量，好麻煩。於是我就奔向我地偉大既淘寶，有留意開，都知道出名既豆漿機係黎自九陽，膽粗粗就襯雙11買一個返香港啦。 果時因為係做緊雙十一優惠，所以到手既時候其實只係309蚊人仔，計落只係364蚊港紙就買到。小妹因為買左一隻綠色既水煲，為左唔搞亂，於是就撰左粉紅色。撰呢款原因係一次可以整到400-600mL，因為我地屋企有2個人飲，基本上整一次就OK，而且佢完全唔需要浸豆，用佢提供既量杯盛滿豆，加水至600mL，按煮既功能就可以，整豆漿時間大概係25分鐘左右。呢樣野當然唔係小妹睇中佢既原因，而係有預約功能，8個鐘後就有豆漿出黎，基本上你訓覺前整好，起身就有得飲。 小妹收到後，覺得質地唔錯，係有少少磨沙感覺，唔似水煲膠面擺係廚房容易黏油，大小跟普通水煲差唔多。至於大家擔心既轉插問題可以放心，佢既插頭同家用電器一樣，基本上借隔離電飯煲果個3腳線一用就OK。佢附送一個量杯、一支擦頭清潔同一個奶茶隔網。運作的時候佢會有打豆既聲音，但係我覺得可以接受，小妹放係同睡房相差2米既廚房都沒被嘈醒。小妹覺得有打豆聲係正常，佢唔發出聲點知佢運作緊。相反我好懷疑冇聲果D係點磨爛D豆。 由於豆漿機已經有加熱功能，你係唔需要再煲滾，只係倒出黎加糖就可以飲得。如果你唔鐘意有豆渣既感覺，強烈建議你用煲湯魚袋去渣先好飲。小妹係接受唔到個喉嚨有磨沙感覺。千奇唔好用奶茶隔網，個網太大係無用既。 小妹仲未試其他功能，如煲粥、整果汁等，唔知效果如何，溫馨提示其他功能係冇預約既，只有豆漿功能先有。咁小妹開始時都係打算只整豆漿，就豆漿呢個功能，表現十分不錯。 最後親話晒圖就有LINE 杯送，有熊大/SALLY 隨機款，或者可以撰退款15蚊。咁我當然撰退款15蚊啦，運杯落黎好易爛，而且又要比運費，一D都唔抵。所以減埋呢15...