90後生活日誌

懷孕真係要準備好多野，除左BB既野，當然唔少得媽媽產後飲食。由於小妹坐月期間會有媽媽同奶奶幫手，所以就唔會請陪月。 經過以下考量，小妹就決定訂月子餐。 1. 唔洗媽媽/奶奶每日煩食咩 (想足30日x每日3餐真係頭都爆） 2. 好多媽媽/奶奶只係識一味幫孕婦進補，忽略孕婦狀況去提供飲食，而月子餐是按孕婦需求訂製 3. 方便快捷，送貨上門，只係加熱就可以 4. 減輕媽媽/奶奶既工作 (佢地做家務，幫BB沖涼已經好辛苦） 至於幾時要開始訂月子餐，小妹就建議係照完結構性超聲波後，因為果個時期BB已經穩定。小妹上網爬過好多文章，每一間月子餐評價係有好有唔好，所以小妹覺得都係要自己試左先決定，始終大家口味不同。 經過以下比較後，小妹就撰左以下呢間黎試餐。原因： 1. 免費送貨上門 (小妹問過有D店會因為不同地區而有不同收費，有D仲要係按日收運費，如果你訂足30日，費用就會多2000幾蚊） 2. 中醫診症服務 (呢間店會提供中醫診症服務，會按媽媽既體質而去制定餐單） 3. 店分別有20天／24天／28天服務計劃，可以按自己需要去撰（小妹就撰左24天，星期六/日老公放假可以幫手) 4. 價錢按照餐單內容合理 (湯1款2包；早餐1款；主菜4款各1盒；蔬菜1款2盒；飯1款2盒 ＝24天收費$12450） **可能新手媽媽唔明月子餐點樣運作，係呢到補充少少，月子餐每日只會提供一次上門送貨服務，而貨品已經有齊晒所有食品，通常送貨時間會係中午時分，意思是媽媽收到可以即時加熱/即時食用午餐，而晚餐同早餐就放係雪櫃，待晚上/明天早上先加熱食用） 經過一返查詢後，試餐收費280蚊，如果試食完20天後確定訂購，可以套餐價錢減150蚊。 試餐後感想： 1. 當日收到貨時係紙皮箱(外)＋保溫袋(內)，防止食物變壞。如圖下。 2. 小妹最鐘意就係個湯，十分夠味。 3. 餸菜就偏淡，完全食唔到味精（小妹覺得淡左D，但老公話生完係要食咁淡⋯⋯) 4. 份量夠2個人食，由於我同老公都唔算大食，撰呢個套餐呢個份量岩岩好夠2個人食。 （由於試餐關係，份量只會有1湯，2餸，1菜，1飯，1早餐) 5. 如訂購套餐會送30天代茶，在小妹試餐時收到一包炒米茶。 小妹同老公都係好快做決定既人，整體感覺良好，都唔晒時間再試其他店，於是就比訂落實。如果大家對呢間店提供月子餐有興趣，歡迎PM小妹。 試餐餐單： 湯：花膠螺片冬菇赤肉...

小妹已經踏入懷孕中期，BB亦都發育得七七八八，當然呢個時候要見下BB，睇下發育是否妥當，大家亦都想知道係男仔定女仔，呢個時候就要照結構性超聲波 (18-22週）。由於小妹未到高齡產婦，所以公院係唔會同小妹免費照，係公院產檢既時候醫生會不斷提你記得出去預約私家照。 經過一系列既爬文，小妹發覺要提早book照結構，如果太遲book，好多心水既醫生都已經full booking，而小妹就大概係10週已經book定，果陣時打去姑娘問仲同小妹講而家book最快都要2個月之後先有期，就咁岩係18-22週，所以各位媽媽真係要提早計劃。 至於小妹book邊間呢？上網爬文後打過幾間診所問，價錢可以由1200-3500蚊不等，當然名氣愈大就愈貴啦。小妹就撰左個母胎學女醫生照，收費當然又貴D，位置係尖沙咀，價錢就成為2400蚊，咁佢就包一份報告＋一張實體相＋所有soft copy 相(呢個自備USB就得，到陣時照完會比返晒所有相你） 用後感： 1） 因為係女醫生，所以都好舒服自然。 2）因為BB唔合作，個女醫生一共幫小妹照左3次，出出入入個醫生都冇唔耐煩。仲好溫柔叫小妹出去行下，飲下水去下廁所，會照得清晰D。 3）每一個器官都睇得好詳細，手指腳指都數得好清楚。 4）清楚睇到BB既性別係男定女(由於小妹同老公一早做左NIFTY PRO，所以聽到係仔定女都好冷靜） 最後，BB當然健健康康，小妹放下心頭大石，而果份報告記得下次去產檢既時候比公院醫生睇下。同大家happy share 下小妹BB頭照～～