[90s新手媽媽] 走佬袋分享？廣華醫院？待產包？BB is coming soon~
小妹寶寶仲有一個月就出來，對上一次產檢時醫生叫小妹開始準備走佬袋既野。由於網上有太多唔同既版本，唔同醫院，剖腹或順產所帶既野都唔同，所以以下只為大家提供參考。 小妹撰在係廣華醫院順產生，執在以下物資：(坊間有D已執好既走佬袋會方便D，但小妹覺得因人而異，如廣華係唔洗要床墊，但果D走佬袋有就會浪費左） -媽媽袋 1. 產婦衛生巾 x 3包 (按照廣華書仔指引，小妹帶左3包，一包有10片左右。廣華沒要求扣或貼，所以小妹帶左2包扣1包貼） 2. 網褲 x 1包 (5條裝) 3. 沖洗瓶 x 1瓶 4. 消毒濕紙片 x 1包 (疫情期間好多野都要抹乾淨，絕對有用) 5. 濕便紙 x 1包 6. 抽取式面紙 x 1包 7. 個人用品 (牙膏、牙刷、護膚品、毛巾、防滑拖鞋等) 8. 備用口罩 x 2-3個 9. 保暖衣物 (長襪、外套、帽) 10. 奶墊 x 10片 ＋ 哺乳BRA (餵人奶媽媽） 11. 安睡褲 x 2包 (出院方便穿) 12. 炒米茶 x 5包 13. 保溫瓶 14. 尿袋 (由於要住3日2夜，上網爬文係冇得直插充電，所以建議帶備一個尿袋) - BB袋 1. NB尿片 x 1包 (約20-30片） 2. 乾綿巾 x 1包 3. BB濕紙巾 x1包 4. BB出院衣物 (衫一套、手套、帽、襪同包被） 5. 廚房紙 x 1卷 當然記得要帶身分證入院登記，另外千祈唔好帶貴重物品，因為姑娘話所有野都會放係公用locker，所以可以帶個細袋仔放手機銀包跟身。有一D媽媽可能會擔心數量唔夠或帶漏野，其實醫院會好多時都有會比你用左先，只要你係出院時叫爸爸歸還數量就OK，同埋廣華門口有小賣部附近又有商場藥房，其實有咩帶漏都可以叫老公即時去買。 如果大家有疑問，歡迎留言/INBOX。