［旅行篇］濟洲自駕遊7日6夜～晨早機點算好？回程篇！ BJ Stay 旅館

有睇濟洲自駕遊7日6夜 《機票篇》👇👇👇 都知道去程回程時間比較差
https://90slifeblog.blogspot.com/2020/04/76.html

去程《凌晨機篇》 可以參考👇👇👇
https://90slifeblog.blogspot.com/2020/04/76_22.html

至於《晨早機篇》7：50 a.m.起飛，代表你其實最遲最遲要6：30 a.m. 到機場 (由於小妹是沒有行李托運，所以先預到咁遲。如果你地有行李托運＋要退稅＋想行機場＋食個早餐，麻煩大家都係預2-3個鐘頭前到機場😅)

由於6點幾就要到機場，小妹有諗過以下方案，但最後都一一ban 左😜：


  1. 酒店 (太貴，不化算，只是睡4個幾鐘就走)
  2. 汗蒸幕 (便，但係驚太嘈，而且另一伴太易醒，難熟睡。其實小妹我是沒問題的😚)
如果你選方案2，可以睇返《凌晨機篇》，入面推介 龍頭岩海水汗蒸幕 是最近機場👍(上網睇如果搭的士大概10mins 就由汗蒸幕到機場，爬文有人說擔心咁早搵唔到的士，都可以叫汗蒸幕前台幫手call，的士錢大概30-40蚊HKD)




最後基於地方＋價錢＋性價比＋Agoda評價，小妹撰左 BJ Stay 旅館。

地方：距離機場約1.7KM
價錢：除開約270HKD 一晚
性價比：有一間套房 (包浴室) + 早餐
Agoda 評價：有9分以上




用後感：😊

睡眠時間：十分充足 (小妹果日係5點半起床😉)
車程：小妹最後係6：15 a.m. 出門口，從旅館行去機場，約20mins (如果怕黑，或者一個女仔，不建議行路👧)
早餐：簡單的麵包，餅乾，杯麵，沖劑飲品，果汁 (實在太早，小妹覺得已經足夠😛)
房間：好乾淨 (有2支水，沖涼液+洗頭水)
服務：旅館老闆會提早跟你用Apps 聯繫
附近設施：基本上只有一間超市，行出少少有便利店 (晚飯要自己想辦法)

其實一晚黎講，真係覺得唔錯👍😀

小插曲：
- 還車後行返旅館行到好熱，想開冷氣，但發覺冇remote，wechat 都找不到人，返到香港佢先覆我。😞好彩晚上唔熱先有舒服覺
- 我們放下行李 check in 先，泊車地方只有門口位但已經比人泊左，我地只好泊一邊。由於附近都是民居，我地比呀豬媽趕😂好彩我地泊一陣就走去還車 (如果要泊車的朋友注意一下)





位置： 南韓濟州特別自治道

留言

發佈留言

此網誌的熱門文章

[90s後新手媽媽]Bingo後要做既第一件事？2條線？

圖片
有大半年冇寫Blog，呢半年經歷左轉工，成功擺酒，有左BB，到而家失業⋯⋯終於有時間同大家分享下小妹既生活經歷。 話說小妹一直都有同老公避孕，直到睇完醫生後，小妹先冇⋯⋯就係果一次，有左BB。相信大家feel 到中招後，便會立刻去買避孕棒證實。小妹建議大家買定3-4支避孕棒，因為線有可能太淺色或者係negative，見到咁，大家千祈唔好以為冇野，有可能係荷爾蒙濃度未夠，所以要驗多幾次，直至見到明確既深色線。當然，如果其間小紅黎左，大家就下次再努力。如果都係冇，建議大家睇醫生。 驗到明確深色線後(下圖)，大家一定心慌慌，第一時間大家可以打去私家診所預約驗孕，呢次既驗孕係醫生證明你真係有左，而去公立醫院/健康院排期都需要有呢張醫生證明先可以做到產檢。咁小妹就係家計會到驗孕，因為自己冇睇開相熟醫生，只係對家計會有印象就撰。（另外，上網 search 話有D私家醫生開既證明，公院係唔承認，呢樣小妹就無從得知。）當日打電話去家計會，佢就話可以walk in，只要關門前黎驗就OK，收費係$70驗孕費加$30蚊見姑娘，total成為$100蚊。 去到登記妹資料後，姑娘就會比一個樽仔你，咁你去廁所收集尿液等姑娘叫名就得。入到去見姑娘，姑娘就會問你最後一次經期係幾時？呢樣係好重要，大家一家要mark底，因為之後BB周數同預產期都係靠呢個去計數。之後就會將你D尿液放落test paper，如果係positive，佢會比張醫生證明，同健康院資料你，同埋提醒你要食葉酸。最後，比完錢，小妹仲買埋葉酸，牌子係GNC，價錢係$80蚊/100粒，小妹純粹覺得方便就買。 初為人母，大家都心慌慌，黎緊會繼續同大家再分享一下其餘step同產檢，希望幫到大家。
閱讀更多

［買樓篇］樓宇買賣搵邊間律師好？

圖片
通常係你簽完臨時買賣合約後，第一時間要做既係搵律師。因為係你簽完臨時買賣合約後14日內就要簽正式買賣合約加比大訂、印花稅律師樓。由對家草擬正式買賣合約，兩邊律師樓核對文件，買賣家簽文件等都要係14日內完成，所以時間都是分秒必爭。 一般黎講，經紀都會係簽完臨時買賣合約後介紹相熟律師行比你，收費大概比出名律師行便幾千蚊左右，小妹收到報價約6000蚊基本，加上2000蚊雜費(影印、註冊費等)，就係8000蚊左右完成整個樓宇買賣過程。好處就係，第一比出名律師行便，第二有咩問題都可以搵經紀叫佢跟緊D。由於係經紀介紹，佢一定會收律師行佣，所以睇你比唔比經紀賺。 至於小妹最後就撰左出名的律師行，整個收費大概是1萬左右。由於小妹上網爬文覺得便既律師行服務質素都係一分錢一分貨，話晒大拿拿攞幾百萬買樓，都唔想有任何差池，寧願比多幾千蚊希望做野跟足D。 不過無論大家點撰都好，都要問清楚銀行果間律師行係唔係on list，如果你要做按揭，唔係on list律師行銀行係唔承認嫁，分分鐘要比多幾千蚊「駁腳費」。小妹就問過經紀介紹果間，佢話on list，點知打去銀行問話唔係，最終果間律師行話係比駁腳費其他律師行代辦，雖然唔洗出駁腳費，但聽到咁，小妹已經唔係咁鐘意，所以都係自己撰間貴少少。 另外，小妹撰果間出名律師行原因都係佢分行遍佈港九新界，初初上討論區睇話撰間近公司附近，可以方便食飯時去簽文件，點知我地放飯時人地都放飯，冇呢支歌仔唱。如果真係要撰，點都係要請假，就撰間係屋企附近。唔洗小妹咁可憐放假都要返公司附近上律師行⋯⋯ 最後一點想講就係唔可以同對家撰埋同一家律師樓，小妹真係覺得好有緣，見到對家撰左小妹果間證婚律師行，因為小妹本身都打算撰呢間。所以要問下經紀對家律師樓既資料，先再撰定自家律師樓。 PS. 小妹最近都係home office，但前排都係忙住結婚買屋，好耐都冇更新過，而家銀行終於出左offer，剩返既野等律師搞掂，無意外就可以坐定定收樓啦。黎緊再同大家繼續分享買樓心得～
閱讀更多

[淘寶篇] 九陽豆漿機用後感～好評推介～一日一杯豆漿 養水又健康 ～香港用自費家真實評貨

圖片
有睇過我前面咁多篇文章都知道小妹家中大大小小都係淘寶返黎，咁的確有D真係會中伏，為左大家唔中伏，小妹都堅持要用過先介紹比大家。 小妹由細到大既早餐都要有一杯牛奶/豆漿，由於自細被灌輸飲咖啡奶茶對皮膚唔好，所以傾向都係撰牛奶/豆漿。牛奶而家既價錢最便都要5-6蚊一包，所以小妹係一年前就開始轉飲豆漿，每次都係襯AEON特價星期三去搶購，飲飲下就發覺其實都幾貴，而且日日飲咁多外來野唔知對身體有冇影響。於是就決定買一部豆漿機返黎，係香港睇過200-300mL容量已經成300-400蚊港紙，仲要整多次先夠份量，好麻煩。於是我就奔向我地偉大既淘寶，有留意開，都知道出名既豆漿機係黎自九陽，膽粗粗就襯雙11買一個返香港啦。 果時因為係做緊雙十一優惠，所以到手既時候其實只係309蚊人仔，計落只係364蚊港紙就買到。小妹因為買左一隻綠色既水煲，為左唔搞亂，於是就撰左粉紅色。撰呢款原因係一次可以整到400-600mL，因為我地屋企有2個人飲，基本上整一次就OK，而且佢完全唔需要浸豆，用佢提供既量杯盛滿豆，加水至600mL，按煮既功能就可以，整豆漿時間大概係25分鐘左右。呢樣野當然唔係小妹睇中佢既原因，而係有預約功能，8個鐘後就有豆漿出黎，基本上你訓覺前整好，起身就有得飲。 小妹收到後，覺得質地唔錯，係有少少磨沙感覺，唔似水煲膠面擺係廚房容易黏油，大小跟普通水煲差唔多。至於大家擔心既轉插問題可以放心，佢既插頭同家用電器一樣，基本上借隔離電飯煲果個3腳線一用就OK。佢附送一個量杯、一支擦頭清潔同一個奶茶隔網。運作的時候佢會有打豆既聲音，但係我覺得可以接受，小妹放係同睡房相差2米既廚房都沒被嘈醒。小妹覺得有打豆聲係正常，佢唔發出聲點知佢運作緊。相反我好懷疑冇聲果D係點磨爛D豆。 由於豆漿機已經有加熱功能，你係唔需要再煲滾，只係倒出黎加糖就可以飲得。如果你唔鐘意有豆渣既感覺，強烈建議你用煲湯魚袋去渣先好飲。小妹係接受唔到個喉嚨有磨沙感覺。千奇唔好用奶茶隔網，個網太大係無用既。 小妹仲未試其他功能，如煲粥、整果汁等，唔知效果如何，溫馨提示其他功能係冇預約既，只有豆漿功能先有。咁小妹開始時都係打算只整豆漿，就豆漿呢個功能，表現十分不錯。 最後親話晒圖就有LINE 杯送，有熊大/SALLY 隨機款，或者可以撰退款15蚊。咁我當然撰退款15蚊啦，運杯落黎好易爛，而且又要比運費，一D都唔抵。所以減埋呢15...
閱讀更多