90後生活日誌

小妹由細到大，都好喜歡戶外運動，經常都跟住太陽出去玩。細個真係成個黑妹好似燒黑左咁⋯⋯由細到大，我屋企人基本上都冇教我點保養、防曬。所以隨時年期增長，雀斑就慢慢浮現⋯⋯所以各位姊妹們，無論幾多歲都要做好防曬，如果唔係好似小妹咁滿臉斑。雖然而家有好多打斑療程，但係治療過程都幾漫長，而且價錢又貴，加上都擔心有風險。 所以今日同大家分享下戶外活動防曬3寶： 1.太陽油 - 戶外活動度數最好選SPF50以上，一般出街SPF25便可 - 如果要落水，一定要選防水性 - 係戶外1-2小時便要補一次防曬 - 牌子我覺得真係大家每款自己試下邊一隻岩自己 (小妹試過咁多隻覺得日本牌子幾好) 2.防曬帽 - 一定要選係抗UV的防曬帽，其他帽阻隔唔到冇用 - 帽設計最好是遮住頸，唔同方向都遮到面部  - Decathlon這幾款我是很鐘意  https://www.decathlon.com.hk/zh/p/uv-trek-500/_/R-p-302967?mc=8526262&c=%E7%81%B0   3.防曬衣物 - 一定要穿能阻隔UV衫褲 (小妹試過穿普通同阻隔係有分別) - 最好就係淺色長衫長褲 (唔係吸熱熱死) 希望以上幫到大家，最後附上一張小妹外出遊玩圖：

小妹平時都喜歡浮潛，行山，露營等戶外活動。在讀書既時期，買一個正式運動裝備牌子露營背囊，至少都要600蚊以上。果時小妹都是問朋友借⋯⋯而家出左黎做野，雖然搵多左錢，但都唔捨得買咁貴裝備，大概2年前左右比我發現在一間法國牌子運動店Decathlon。我真係真係想講果到D野好齊全，無論你係咩運動愛好者，都一應俱備。最緊要價錢真係完全買得落手，質素好過淘寶多多聲。 小妹平時都係Decathlon已經可以玩一日，實在太多野好行。而家Decathlon 已經係香港開左3間分店，唔鐘意外出既仲可以有online shopping。 Online Shop Link： https://www.decathlon.com.hk/zh/?gclid=CjwKCAjw2a32BRBXEiwAUcugiOteS4-eE0vTNMc6_t30h8ZBLB_8BoL8Et3bNDeMYDaDkdv8L01wKBoCNgEQAvD_BwE 分店： Causeway Bay 1/F The Park Lane, 310 Gloucester Rd, Causeway Bay,Hong Kong Island HONG KONG Mong Kok B/F, Grand Plaza, 639 Nathan Rd, Mong Kok,Kowloon HONG KONG Tseung Kwan O 3/F, TKO Spot, 2 Tong Ming St, Tseung Kwan O,New Territories HONG KONG PS. 小妹以前都係去旺角店多，而家開左將軍澳店，近左屋企，成日都去行。旺角同將軍澳店都係成層，十分好行。小妹唔住係港島區，所以冇咩機會同大家介紹。 重要的是Decathlon每款產品都有詳細介紹，無論你係咩level運動愛好者，仲會有一樣岩你。大家快D去行下留言比我知你有咩新發現。

話說小妹係新年期間，見到樂桃航空做緊promotion，於是就決定4月去沖繩HONEYMOON。 當然而家去唔成⋯⋯不過都想同大家分享小妹比多左錢既心得。 計過做Promotion後，來回機票 (不包行李費) 是848HKD 一人。當小妹開開心心比完錢後，發覺信用卡竟然碌左1712.96HKD。正當想是否匯率問題，上網爬文原如樂桃航空係當海外網站簽帳收費，所以VISA/MASTERCARD都要收取手續費。小妹平時都是買開HKEXPRESS，所以一直冇為意用左MASTERCARD去簽帳。 如果大家之後見到樂桃航空做Promotion，記得用銀聯信用卡簽帳，免收手續費。當然有一些VISA/MASTERCARD海外簽帳回贈都幾多下，可以計返是否有着數先用。 後記：附上一張2015年去沖繩照片 (好想去呀！！！)

話說小妹平時去街都係着波鞋多，始終行得耐都唔想腳痛。但係着波鞋想襯連身裙又唔係好岩，而且小妹返office 工，都想買一對舒服又合適的鞋。 唔知係唔係google成日偷聽我講野，咁就係IG / FB  彈在D＋AF AD  推薦台灣製造的國民MIT鞋 。 https://www.daf-shoes.com/product/pageSet/145 小妹唔係一個衝動消費的人，而且我覺得價錢唔便，加上款式顏色又唔係特別喜歡，所以都睇左好耐，爬下文睇下大家分享，結果當然係好壞各有。基於小妹真係想擁有一雙舒服鞋，加上係台灣手工鞋，而且突然有新款加上係小妹喜歡淡紫色，就膽粗粗落單比錢買左。 920 TWD 除4差唔多係港紙230HKD (運費都成港紙30幾蚊一D都唔便) FB 有Group 係可以同大家集運share 運費  https://www.facebook.com/groups/1033961753449626/ 用後感： - 網站推薦尺碼正確 (小妹係腳寬平時着38，而家落38剛好) - 舒適度，着落軟林林 (不過要着襪，唔係有腳汗黏住不舒服) - 鞋後跟太淺 (行路腳跟容易掉出黎) - 新鞋不會磨損腳 - 行街行左2個幾鐘都會腳痛，有些部位會損痛，建議不要穿太耐 (個人覺得着1個鐘還可以) 實物：

大家呢排係唔係係屋企煮多左野食呢? 食材去邊到買好？囤貨又係邊到買呢? 小妹為大家介紹AEON 星期三的特價日，好多精選貨品都好便。 以下就係小妹為大家推介八大搶購貨品： 1.墨西哥牛油果6隻：30蚊 原價35.9 (冇圖) 2.韓國紫菜3包：5蚊 原價7.9 3.家樂氏迷利什味早餐6包：15蚊 原價22.9 4.百福豆漿1包：3蚊 原價5蚊 (只有原味選擇) 5. 壹品有機黃豆豆腐1盒：5蚊 原價6.9 6.日本羽之光 卵雞蛋1盒10隻：20蚊 原價25.9 7. 圃木園 韓式上湯小籠包150G：10蚊  原價16.9 8.加拿大急凍多春魚1包約280G：20蚊 原價24.9 (冇圖) 仲有好多好抵既貨品，可以上AEON網址睇下，每個星期三都有唔同產品做特價 (如果咁岩撞正每月2號／20號，會員仲有額外95折) 如果屋企有手推車，真係拿架車去掃貨會輕鬆D https://www.aeonstores.com.hk/wednesday_freshday

話時新年期間，疫情爆發了。都估到有排要係屋企，而且上網見到好多人分享氣炸鍋食譜。係心郁郁情況下就係淘寶買左一隻，原因： 價錢便 （如果大家好似小妹咁3分鐘熱度，建議你買一個便便地玩下先) 香港買氣炸鍋如果容量大有牌子都要幾千蚊 (細容量根本煮唔到咩野食，小妹覺得起物埋要4L以上，至少都要放到隻雞呀) 天貓做緊優惠，買滿港幣200蚊直接送到香港府上 安全問題不是太擔心 (小妹只係放假時先會用，一星期先用一次) 上網見到山本牌子評價唔錯 下單後，2日已經直送到小妹家。直至現在小妹已經用左3個幾月，用後感： 冇油冇煙 可以整各式各款的食物 如：蛋糕，炸薯條等 （一個煲搞掂，好岩懶人) 清潔方便，不會沾底 溫馨小提示：由於大陸買既電器都係2腳插，可以用一個轉換器轉插，唔係就自已換返個插頭 (小妹係屋企男人換) 如果屋企冇人識整，上網爬文話去五金舖搵人換都得 原本想貼上淘寶link，但發覺產品已經下架了⋯⋯ (找回相同的產品比大家參考) https://world.taobao.com/item/616153247674.htm?spm=a21wu.10013406-tw.0.0.5506d73a4feL5I

查看濟洲景點，就會知道有好多浴場。😅 月汀里海水浴場 월정리해수욕장 上網有十分多推薦。於是我地就決定前往西歸蒲酒店途中去看看。睇完後，我地十分推薦大家去👍 原因： 風景太靚 沿住海揸車一路往南，西邊走去 冇其他浴場咁多人 好多cafe 廳 GPS 電話： +82-64-740-6000 https://big5chinese.visitkorea.or.kr/cht/ATT/3_2_view.jsp?cid=2049526   (韓國觀光公社介紹) 以下是我地揸車沿路風景👇一路聽住一路向北好有感覺😙我一路向北，離開有你的季節～～ 呢個浴場風景真係好靚✌最重要係冇人，想點影相就影

小妹去完龍頭岩＋龍淵雲橋，就肚餓了😛。睇下時間，已經係下午1點幾，於是就去東門市場搵食： 東門市場資料： http://big5chinese.visitkorea.or.kr/cht/SAR/2_2_view.jsp?cid=1031919 PS. 東門市場免費停車場得10幾個位，當日去到已經滿晒，附近有收費停車場。最後小妹又係搵左路邊泊就算😓市區真係好難泊車 基本上東門市場好傳统，都係賣一些生活用品，菜市場，行完覺得冇咩好食，所謂的小食檔都是晚上才開。所以就臨時起意去左附近黑豬肉一條街搵食😆(本身打算最後一日先食) 上網睇每間餐廳都有唔錯評價，小妹就選擇其中一間網絡高人氣  Dombe豚 돔베돈 https://big5chinese.visitkorea.or.kr/cht/SAR/2_4_view.jsp?cid=1342590 泊車又係係門口搵唔到地方泊，結果又係是但搵左路邊一個位泊😔 一入去就比店員招待要除鞋盤腳坐，未來老公仔仲牙痛咁，因為佢覺得食飯屈住腳好辛苦😂不過小妹覺得還好 人數果時下午2點幾，不需等位，店內位置都沒有坐滿。 食方面，基本上都係叫套餐係最抵，沒記錯套餐都差唔多成400,000KWD 2個人😅其他食物都係韓國烤肉會有。   我地2個食完都覺得麻麻地，好普通的烤肉，好似有點名過於實，又係一間網紅餐廳😂 我地唔推薦大家去食，唔知其他黑豬肉一條街會唔會又係咁，大家可以留言同我分享😀 食完後，大家可以去附近中央地下街行下。至於小妹要返西歸蒲，所以就一路向西了😁 附上其他blogger地理位置圖比大家參考。🙆 圖片來源： https://candicecity.com/44399/

有睇《凌晨機篇》都知道落機好去處是 龍頭岩海水汗蒸幕 👇👇👇 詳情同地址可以睇返呢篇 https://90slifeblog.blogspot.com/2020/04/76_22.html 去完汗蒸幕舒服完，就一定順便去埋附近景點  龍頭岩 ＋ 龍淵雲橋 龍頭岩 (從汗蒸幕過去5mins 自駕車程) 地址 ：  15 Yongduam-gil, Yongdam 2(i)-dong, Jeju-si, Jeju-do, 南韓 電話 ：  +82 64-728-3918 泊車位置：直接輸入電話GPS便會引導你去一個收費停車場，收費可以參考韓國觀光公社 https://big5chinese.visitkorea.or.kr/cht/ATT/3_2_view.jsp?cid=332630 (由於小妹入停車場時，冇人係到控制閘開，我地唯有是但泊左係路邊😟我地參觀完拿車就有人😭) 千萬不要學我地，係韓國隨處泊車係要收罰款的 PS. 我地去的時候都是天陰陰的😓 龍淵雲橋 （行完龍頭岩可以沿海邊往右走) PS. 我地冇咩影相 (爬文同大家分享)😅