［食譜篇］滑喐嘟又嫩既三色蛋～家常菜～簡單又好味～放工必煮
結婚後做人老婆，開始煮多左餸，所以黎緊都會同大家分享小妹煮食心得。雖然就唔係咩大師級，但係簡簡單單又好味～ 最近小妹就做左個又滑又嫩又簡單三色蛋，已經可以送到一碗飯，上至七十歲下至三歲都岩食。 材料 (2人份量）： 鹹蛋 X 1 隻 皮蛋 X 1 隻 雞蛋 X 2隻 豉油 少許 蔥花 少許 做法： 1. 打勻2隻雞蛋，用篩過濾 2. 鹹蛋白同鹹蛋黃分開 3. 將鹹蛋白同（1）拌勻 4. 將鹹蛋黃同皮蛋切粒，放在蒸碟上，緩緩倒入 (3）如有氣泡，用匙羹盛起 5. 蓋上保鮮紙，大火蒸10分鐘 6. 淋上少許豉油，蔥花 以下就係小妹既完成品～簡單又好味～～(因為沒買到蔥花，所以以下圖片冇蔥花) 大家快D試下 ：）