［食譜篇］超簡單檸檬冰糖雞～新手入廚～開胃下飯～大人小孩都岩食
做左人老婆煮多左飯後，發覺呢個世界只有懶女人，冇唔識煮飯既女人。點解咁講，因為大家照住網上食譜既配方，調出黎就好好味。當然小妹都有中伏過一D食譜，所以小妹會試完先同大家分享。 ～檸檬冰糖雞 ～ 材料： 雞半隻 (或者可以用大概10隻雞翼黎代替) 檸檬一個 冰糖50g 水半湯匙 醃料： 鹽1茶匙 糖1茶匙 胡椒粉少許 生粉半茶匙 油少許 米酒少許 做法： 1. 將雞洗乾淨，斬件，用廚房紙印乾，醃製至少20分鐘 2. 檸檬洗乾淨，切片，去核 3. 用中大火煎雞件兩邊至金黃色，不用煮熟 4. 直接倒入檸檬片，冰糖，水 5. 加蓋小火煮4分鐘，把雞件翻至另一面，再加蓋小火煮4分鐘 6. 拌均，把所有雞件都染上糖色，熄火 登登登登～小妹就完成左以下又好食又簡單既餸 偷偷地話比大家知，小妹老公係唔鐘意食雞都幫襯左一半 ：）