［美食篇］荃灣好食泰國菜～大碟性價比高～有驚喜
慶幸開返晚市堂食，而家多左機會出去搵食！今次就推薦大家呢間荃灣泰國菜～～
唔講咁多，比D相大家睇下～我地2條友叫左5樣野，碟碟都好大碟，捧住個肚出門口～
《黃咖喱牛腩》個汁真係好好味，牛腩又多又淋
《泰色奶茶》甜甜地，幾好飲
《海南雞》泰國菜必點之一，好滑好嫩口，正
《烤薄餅》叫得咖喱點可以唔加個薄餅清埋D汁，呢個配咖喱真係一流
《泰式蝦餅》呢個冇得頂，又熱又脆，又好多蝦，下次會再encore
如果大家想知道呢間泰國餐廳資料，歡迎留言比我～～
[90s後新手媽媽]Bingo後要做既第一件事？2條線？
有大半年冇寫Blog，呢半年經歷左轉工，成功擺酒，有左BB，到而家失業⋯⋯終於有時間同大家分享下小妹既生活經歷。 話說小妹一直都有同老公避孕，直到睇完醫生後，小妹先冇⋯⋯就係果一次，有左BB。相信大家feel 到中招後，便會立刻去買避孕棒證實。小妹建議大家買定3-4支避孕棒，因為線有可能太淺色或者係negative，見到咁，大家千祈唔好以為冇野，有可能係荷爾蒙濃度未夠，所以要驗多幾次，直至見到明確既深色線。當然，如果其間小紅黎左，大家就下次再努力。如果都係冇，建議大家睇醫生。 驗到明確深色線後(下圖)，大家一定心慌慌，第一時間大家可以打去私家診所預約驗孕，呢次既驗孕係醫生證明你真係有左，而去公立醫院/健康院排期都需要有呢張醫生證明先可以做到產檢。咁小妹就係家計會到驗孕，因為自己冇睇開相熟醫生，只係對家計會有印象就撰。（另外，上網 search 話有D私家醫生開既證明，公院係唔承認，呢樣小妹就無從得知。）當日打電話去家計會，佢就話可以walk in，只要關門前黎驗就OK，收費係$70驗孕費加$30蚊見姑娘，total成為$100蚊。 去到登記妹資料後，姑娘就會比一個樽仔你，咁你去廁所收集尿液等姑娘叫名就得。入到去見姑娘，姑娘就會問你最後一次經期係幾時？呢樣係好重要，大家一家要mark底，因為之後BB周數同預產期都係靠呢個去計數。之後就會將你D尿液放落test paper，如果係positive，佢會比張醫生證明，同健康院資料你，同埋提醒你要食葉酸。最後，比完錢，小妹仲買埋葉酸，牌子係GNC，價錢係$80蚊/100粒，小妹純粹覺得方便就買。 初為人母，大家都心慌慌，黎緊會繼續同大家再分享一下其餘step同產檢，希望幫到大家。
want know
回覆刪除Ann Mamma Thai kitchen by 張秀玲
刪除https://www.openrice.com/zh/hongkong/r-ann-mamma-thai-kitchen-by-%E5%BC%B5%E7%A7%80%E7%8E%B2-%E8%8D%83%E7%81%A3-%E6%B3%B0%E5%9C%8B%E8%8F%9C-%E5%92%96%E5%96%B1-r636186