90後生活日誌

已經好耐都沒更新了，最近每個星期六日小妹都出左去睇樓，平日放假就留係屋企做資料搜集，看看買樓注意事項。直到上星期，終於搵岩心水盤正式買左樓。 買樓真係人生一個大Project，首先同大家分享下如何搵到心水樓盤。 小妹主要係透過以下APPS搵二手盤：(當然可以去地產舖問一問，不過要走黎走去而且當下未必有盤比你睇) 1. 28 HSE 2. 591 3. 美聯 4. 中原 *由於小妹已經有明確目標係買二手樓，所以如果大家係買新盤可以直接去睇銷售盤。 基本上3個APPS既分別係28 HSE/591 所有地產代理都會落到廣告，但呢D平台落既廣告盤就會向地產代理收費，所以盤源有一定既真實(因為要比錢)。至於美聯/中原，好多都係不真實盤，通常查詢時就會介紹你去睇其他盤，因為佢地係自家APPS，主要放呢D盤黎吸引客人查詢，拿客人資料。 至於開價方面，好多時候呢D有名地產公司同一個盤都會比其他平台開得高，所以就算議價降幅大，好多時都等於其他平台開價。如果大家係地產公司APPS睇到樓盤，不仿去其他平台比較下先，再睇下經邊個地產經紀去約睇盤。 當你係APPS 睇中左心水盤後，可以WHATAPPS 問下地產經紀／自行比較確認價錢先。如其他座同層同單位最近成交價係500萬，但廣告盤係450萬。這有幾大可能，一是本身單位/同層/上下層係凶宅，二是單位是連租約賣，不是交吉賣。如果係凶宅就要睇下各下既接受能力，或是同層/上下層係凶宅都可能會影響銀行做按揭。至於連租約賣都會影響做高成數按揭，所以真係要計好數先決定。 另外，重要問埋單位是否齊樓契，這亦都會影響你既按揭批核。小妹以上問既問題都係基於本身要做高成數按揭，如果是但一樣中左，其實基本上都唔洗約睇樓，就算睇中左都冇錢買。所以大家如果好似小妹咁，就係約睇樓前問清楚地產經紀。 下次再同大家分享其他買樓上車心得～ 如果鍾意小妹分享，記得留言及追蹤我～

疫情關係，都估到會多左係屋企自己整野食。幸好係新年時買左個氣炸鍋，玩到而家都已經有幾個月。咁就同大家分享下氣炸鍋食譜，最簡單新手上車就係- 炸雞翼。 材料： 11隻 雞翼 (最好買一D冇激素) 少許 鹽 少許 胡椒粉 200G 麵包糠 200G 生粉 1-2隻 雞蛋 做法： 用凍水解凍雞翼，直至差唔多軟身，加入少許鹽浸半個小時 (目的是去除雞腥味) 解凍後，用水洗乾淨，擠出雞翼血水 用廚房紙把雞翼印乾 加入少許胡椒粉調味 氣炸鍋180度預熱10分鐘 把雞翼按先後次序加入生粉，蛋漿，麵包糠 (沾上麵包糠後要壓一壓) 擺入氣炸鍋加少許油 首炸，180度10分鐘 反轉雞翼，180度8分鐘 加入少許胡椒粉調味 再180度氣炸2分鐘完成 溫馨提示：由於每個氣炸鍋溫度不一，建議大家可以自行試下少D時間氣炸，如果還沒有金黃色，先再加時間。 出來成品： 大家可以係屋企試下，超級簡單又方便。配上泰式辣醬/沙律醬超好食。 記得留言話我知大家整成點～～

最近星期六日，小妹頻頻同未來老公去睇樓。買一層樓又唔係買一個菜咁簡單，當然要自己做足功課，唔係聽過好多坊間講信地產代理/經紀就出事。始終大家剛上車錢銀有限，如果損失十萬/八萬，可能都幾大穫。 而係睇樓/買樓前，大家要計算下自己既可負擔能力，即係可以比到幾多錢出黎買樓，因為這完全影響你之後搵樓既地區、供款能力、按揭成數等。大家新手上路可能都對這些字眼好陌生，但係這些都需要在買樓時了解清楚，如果唔係樓買唔成又會撻訂。(之後再同大家分享下其他要點) 講返可負擔能力，基本上各大銀行都會有一個網上APPS，或者而家好多手機APPS，都可以根據你既個人財務狀況，去計算出自己可負擔債務能力。 以恒生為例： https://www.hangseng.com/zh-hk/personal/mortgages/mortgage-calculators/affordable-loan-amount-calculator/ 恒生的網上按揭計算機已經包括左壓力測試 (但小妹計算過係唔包，所以大家要自己cross check再verify) 把自已個人入息、選擇還款年期、按揭年利率等問題都輸入，就可以按下計算 最高每月按揭還款額 及 最高按揭貸款金額 。 以月入50,000HKD，供30年及年利率2.15%，首置物業，沒有其他債務，收入來自香港，沒有承擔其他按揭保險為例，每月供款額是 20,722 HKD及最高貸款額是 5,494,242 HKD。簡單黎講，如果加上壓力測試，每個月供款就變左30,000HKD，要唔超過你既收入6成，即係你每個月收入要50,000HKD。(所以小妹係自己cross verify 之後就發覺恒生根本唔包壓力測試) 上網搵到好多文章說新政策下是不用壓力測試，但又是魔鬼在細節，之後再同大家分享。 而首期如果你係買6,000,000HKD樓價，借9成，就代表你需要600,000HKD首期。當然仲有其他費用要包括，而唔係單單60萬就可以。(之後再同大家分享下費用) 溫馨提示：小妹係計算每月家庭總入息時有太多問題，包括係計唔計花紅，double pay，MPF等，由於每間銀行講法不一，小妹就唔代表每間銀行列出，因為市面狀況都可能隨更新。所以最好按照你個人既情況親身打上按揭中心熱線問一問。如果你係借超過6成，就需要同樣打去HKMC (香港按揭證卷...

上一篇同大家介紹過住宿十分抵既 旭逸雅捷酒店・荃灣 ，今次就同大家介紹下同一集團另外一間有埋晚上雙人半自助餐，同樣位於葵涌工廠區- 旭逸酒店・荃灣 。 酒店資料： 星級：4星 地址： 香港葵涌圳邊街15-19號 晚上雙人半自助餐＋一晚標準客房住宿價錢： 550蚊 （星期日-四) 600蚊   (星期五-六) *已上價錢已包加一收費 *酒店說明推廣只到六月，不知是否會再延長 用後感： 1.位置 由於位於工廠區，所以不近地鐵/巴士站。不過酒店會提供免費穿棱巴士來回葵興站。 附近都是工廠區，行5mins 左右上打磚坪街有商場、食肆、7仔等。 2.房間 實在太好彩，明明係訂標準房，又免費升級到家庭房 (多左一張床) YEAH 浴室也是分開廁所跟沖涼，而洗手盤在外。可惜又係房間冇免費樽裝水提供。 3. 設施/服務 這間是有健身室跟餐廳，好岩食飽就去做運動。最有印象既係餐廳員工非常有禮貌，前台人員so far 都OK。 4. 雙人半自助晚餐 (大家最關注既) 半自助晚餐menu 如下，小妹我地分別撰左西京燒銀雪魚配烤野菌 & 燒和牛腰脊配扒露筍及黑椒汁。我地係睇價錢撰，但覺得魚係好食過牛。呢間半自助晚餐係有餐湯配。其餘食物就係自助。 https://www.hotelease.com.hk/files/photo_album_photo/attachment/6901/[Eat@ease]%20Semi%20Buffet%20Dinner%202020.pdf 飲品：熱紅茶，咖啡，奶茶 （可以自己沖熱檸茶) 海鮮：有3款，東風螺，蝦，青口 (個人覺得一般) 小食：得凍豆腐同鵝肝 (個人覺得唔錯) 甜品：蛋糕，pancake，香港製造雪糕 (除左雪糕其他都覺得麻麻) 總結：呢間酒店仲有午市半自助餐，連一晚標準客房住宿，都係400蚊。大家可以睇下邊個岩自己，小妹就未試過，所以就唔同大家介紹。你地就自己上網睇下撰邊個啦～ https://www.hotelease.com.hk/hetw/zh-tw/promotions/room 記得留言比我知大家用後感～～

好傷心，打完一次個 blog 竟然 save 唔到，結果而家又要打多次 ( 吐嘈完 ⋯⋯ ) 而家疫情慢慢暫緩，但是都未有得去旅行住。但小妹又好想去旅行，為左感受一下度假 feel ，小妹就上網睇下最近酒店有咩優惠，點知小妹發現而家 D 酒店真係好便，住一晚只要 2 百幾蚊。 小妹所講既就係呢間位於葵涌既 4 星級酒店 -  旭逸雅捷酒店 ( 荃灣 ) 地址： 香港葵涌嘉慶路 12 號 房價： 1 晚標準房 218HKD 用後感： 1. 位置 葵興 / 葵芳地鐵站行約 10mins 就到。 如果係葵興落，就沿住葵涌道，見到中石化油站旁邊小路轉入 係葵芳落，都係沿着葵涌道，東方工業大廈旁有小路可以轉入去內街就見到 PS 由於酒店位置係工廠區，附近都多車停泊 / 落貨，建議晚上女生結伴返酒店比較安全。 2. 服務 / 設施 由於這間酒店真係冇咩設施，餐廳好似要坐旅遊巴到其他集團食，所以小妹只係 check in / out 先同服務員有接觸， so far 都覺得 OK 。 3. 房間 小妹訂的是標準房， check in 時間已經 4-5 點，但有驚喜的是酒店幫我們免費升級為家庭房。比大家睇下 2 種房型分別，唔洗講都知邊間係家庭房吧。 房間廁所同沖涼都是分開的，所以大家不用爭，而且附有露台，可惜鎖左。由於房內不設水提供，如果大家要買水，可以去底層有部自動售賣機。 由上年開始，香港酒店真係好便，小妹都試過好多間，之後慢慢再同大家分享～記得留意我個 blog ～～～